Funts ez parrokialak

Parrokietako Artxiboak deitu horietaz gain, badira funts batzuk Artxibo honetan gordetzeko beste erakunde ezberdinetatik heldu zaizkigunak; hauen artean aipatzekoa da, duen interesagatik, Congregación del Clero del Arciprestazgo Mayor de Guipúzcoa eta Congregación del Clero del Valle Real de Léniz direlakoaren funtsak; hain zuzen, parrokiaz gaindiko erakunde garrantzitsua izan ziren garai batean artziprestalde hauek.

Badira izaera zibilekoak deitzen diegun beste funtsak ere gure ardurapean jarriak, mendeetan zehar ohikoa zen jokabidearen arabera eliz dokumentuekin batera gure parrokietan gorde izan direnak, eta orain gure Artxibo honetara ekarri direnak.

Kasu zinez berezia gertatzen da, Laterandar Kanonigen funtsarekin: Monasterio de San Bartolomé de las Canónigas Regulares Lateranenses de San Agustín en San Sebastián. Balio handiko funts dugu bere antzinatasunagatik (1250. urtetik hasten baita) eta gai desberdin ugariengatik. Funts honen ikerketa errazteko eta komentuko biziera ez nahastearren, 1996ko maiatzean osoki mikrofilmatua izan zen, eta kopia bat Artxibo honetan aurkitzen da, ikertzaileei agiri-multzo baliotsua eskaini ahal izateko kontsultarako.

Aipaturikoez gain, beste zortzi funts pertsonal ere jasotzen dira gure artxiboan, hala nola: Nemesio Etxaniz Aranbarri, Pío Montoya Arizmendi, José María Maidagan Aspiazu, Felisa Oregi Oregi, Antxón Aguirre Sorondo, Luis Murugarren Zamora, José Ignacio Tellechea Idígoras , Ramón Etxeberria Ayerbe, eta Antonio Amundarain Garmendia.